2021-يىللىق ياز پەسللىك پروگرامما تىلى، روبوت دەرسلىرىگە قاتنىشىشقا ئىلتىماس قىلىڭ

STEM دېگەن نېمە؟

پەن

Science

تەبىئەت دۇنياسىغا مۇناسىۋەتلىك ئىزدىنىشلەردىن ئىبارەت بولۇپ، فىزىكا، خىمىيە ۋە بىيولوگىيە قاتارلىق بىلىملەرگە مۇناسىۋەتلىك ھادىسىلەر، پرېنسىپلار ۋە ئ‍ۇقۇملارنىڭ ئىشلىنىش ۋە تەدبىقلىنىشىنى كۆرسىتىدۇ. پەن بىلىملىرىدىن قولغا كەلتۈرگەن ئۇچۇرلار ئىنژېنىرلىقتىكى لايىھە جەريانىنى يېتەكلەيدۇ.

تېخنولوگىيە

Technology

نەرسىلەرنىڭ يارىتىلىشى ۋە قوللىنىلىشى ئۈچۈن كېرەكلىك بولغان ئىنسان، تەشكىلات، ئۇچۇر، جەريان ۋە قوراللارنىڭ بىر پۈتۈن گەۋدىسىدىن تەركىب تاپىدۇ. ھازىرقى زامان تېخنولوگىيىيەسىنىڭ كۆپىنچىسى بىلىم ۋە ئىنژېنىرلىقنىڭ مەھسۇلى بولۇپ، تېخنولوگىيەلىك قوراللار ھەر ئىككى ساھەدە ئىشلىتىلىدۇ.

ئىنژېنىرلىق

Engineering

ئىنژېنىرلىق ھەم ئىنسانلار ئىشلەپچىقارغان مەھسۇلاتلارنى لايىھەلەش ۋە ئىشلەپچىقىرىش بىلەن مۇناسىۋەتلىك ئۇچۇر جۇغلاش ھەمدە تۈرلۈك مەسىلىلەرنى ھەل قىلىش جەريانىنى كۆرسىتىدۇ. بۇ بولسا ۋاقىت، ئىقتىساد ۋە خام ماتېرىياللار چەكلىك بولغان شارائىتتا ئىجات قىلىش جەريانىدۇر.

ماتېماتىكا

Math

ماتېماتىكا بولسا مىقدارلار، سانلار ۋە بوشلۇق ئارىسىدىكى مۇناسىۋەتلەرنى تەتقىق قىلىدىغان ئىلىم بولۇپ، ناھايىتى مۇنتىزىم مەنتىقىلىق باغلىنىش ئاساسىدا پىكىر يۈرگۈزىدۇ. ماتېماتىكا بولسا تەبىئەت دۇنياسىنى تەتقىق قىلىدىغان فىزىكا قاتارلىق پەنلەرنىڭ تىلىدۇر.

UyghurSTEM ھەققىدە

كىچىك ئىشلار ئارقىلىق چوڭ ئۆزگىرىشنى روياپقا چىقىرىش

ئۇيغۇرلار ئارىسىدا تەبئىي پەن، تېخنىكا قىزغىنلىقىنى قوزغاش، ياش-ئۆسمۈرلەر ئارىسىدا روبوت، ۋە ئىلىم-پەن بىلىملىرىنى ئومۇملاشتۇرۇش مەقستىدە يولغا چىققان‏ UyghurSTEM ‏2019-يىلى مەمتىمىن نۇرىدىن تەرىپىدىن قۇرۇلغان بولۇپ، قۇرۇلغاندىن ئېتىبارەن STEM مائارىپى ئەندىزىسى بويىچە كومپيۇتېر، روبوت، پروگرامما تىللىرى، ماتېماتىكا، فىزىكا ۋە باشقا تەبىئىي پەنلەردە ئوقۇغۇچىلارغا دەرسلەر بېرىلىۋاتىدۇ، ھازىرغىچە ئورۇنلاشتۇرغان ماتېماتىكا، فىزىكا ۋە بىيولوگىيە دەرسلىرىگە قاتناشقۇچىلارنى ھېسابقا ئالماي تۇرۇپ، پەقەت كومپيۇتېر پروگرامما تىللىرى ۋە روبوت دەرسلىرىنىلا ھېسابقا ئالساق، 2019-يىلى قۇرۇلغاندىن 2021-يىلى 6-ئايغىچە 350 كە يېقىن ئوقۇغۇچى كومپيۇتېر پروگرامما تىللىرى ۋە روبوت دەرسلىرىمىزگە قاتناشقان بولۇپ، بۇ ئوقۇغۇچىلارنىڭ دەرس داۋامىدا ئوقۇغۇچىلارنىڭ يازغان كودلىرىنىڭ ئومۇمىي قۇر سانى بىر مىليون 485 مىڭ قۇر (بۇ قۇرلار بۆلەك ئاساسىدىكى پروگرامما تىللىرى ۋە C تىلى كودلىرىنى ئۆز ئىچىگە ئالىدىغان) بولۇپ، روبوت دەرسلىرىدە ئوقۇغۇچىلار ئىشلەتكەن مىس سىملارنىڭ ئومۇمىي ئوزۇنلۇقى 145 مىڭ سانتىمېتردىن ئاشىدۇ (بۇ سان يىراقتىن داۋاملاشقان دەرسلىرىمىزدە تەقدلىدلەش يۇمشاق دېتاللىرى ئارقىلىق تەقلىدلىگەن توك يولى خەرىتىسىنى ئۆز ئىچىگە ئالمايدۇ). تارماق پروجېكتلاردىن «UyghurSTEM بوشلۇق تەتقىقات مەركىزى»، «UyghurSTEM كود ئىجادىيىتى»، «UyhgurSTEM روبوت ئىجادىيىتى»، «UyghurSTEM تەبئىي پەن»، «UyghurSTEM» ،«UyghurSTEM 3D سۈنئىي ئەقىل تەجرىبىخانىسى»، «UyghurSTEM ئېكرانى» قاتارلىقلار بار بولۇپ، داۋاملىق ھالدا تەبئىي پەن(فىزىكا، خېمىيە، بىيولوگىيە…)، ماتېماتىكا، كومپيۇتېر پروگرامما بىلىملىرى ھەققىدە بالىلارنى ئاساس قىلغان، چوڭلارنىمۇ ئۆز ئىچىگە ئالغان دەرس ۋە پائالىيەتلەرنى ئورۇنلاشتۇرۇپ، ئۇيغۇر ئۆسمۈرلىرى ئۈچۈن بىلىم، تېخنىكا ئۆگىنىدىغان ۋە ئورتاقلىشىدىغان بىر سۇپا بولۇشنى مەقسەت قىلىدۇ.

UyghurSTEM نامى بىلەن قاراتمىلىق ھالدا ھەرقايسى ئانا تىل مەكتەپلىرى، مەدەنىيەت مەركەزلىرى، دىنىي مەكتەپلەردە سەييارە ھالدا روبوت دەرسلىرى بېرىدۇ.

كېلىڭ، كىچىككىنە ئۆزگىرىش ئارقىلىق زەنجىرسىمان بىر ئۆزگىرىشنى ۋۇجۇدقا چىقىرايلى.