STEM دېگەن نېمە؟

m

پەن

Science

تەبىئەت دۇنياسىغا مۇناسىۋەتلىك ئىزدىنىشلەردىن ئىبارەت بولۇپ، فىزىكا، خىمىيە ۋە بىيولوگىيە قاتارلىق بىلىملەرگە مۇناسىۋەتلىك ھادىسىلەر، پرېنسىپلار ۋە ئ‍ۇقۇملارنىڭ ئىشلىنىش ۋە تەدبىقلىنىشىنى كۆرسىتىدۇ. پەن بىلىملىرىدىن قولغا كەلتۈرگەن ئۇچۇرلار ئىنژېنىرلىقتىكى لايىھە جەريانىنى يېتەكلەيدۇ.

m

تېخنولوگىيە

Technology

نەرسىلەرنىڭ يارىتىلىشى ۋە قوللىنىلىشى ئۈچۈن كېرەكلىك بولغان ئىنسان، تەشكىلات، ئۇچۇر، جەريان ۋە قوراللارنىڭ بىر پۈتۈن گەۋدىسىدىن تەركىب تاپىدۇ. ھازىرقى زامان تېخنولوگىيىيەسىنىڭ كۆپىنچىسى بىلىم ۋە ئىنژېنىرلىقنىڭ مەھسۇلى بولۇپ، تېخنولوگىيەلىك قوراللار ھەر ئىككى ساھەدە ئىشلىتىلىدۇ.

m

ئىنژېنىرلىق

Engineering

ئىنژېنىرلىق ھەم ئىنسانلار ئىشلەپچىقارغان مەھسۇلاتلارنى لايىھەلەش ۋە ئىشلەپچىقىرىش بىلەن مۇناسىۋەتلىك ئۇچۇر جۇغلاش ھەمدە تۈرلۈك مەسىلىلەرنى ھەل قىلىش جەريانىنى كۆرسىتىدۇ. بۇ بولسا ۋاقىت، ئىقتىساد ۋە خام ماتېرىياللار چەكلىك بولغان شارائىتتا ئىجات قىلىش جەريانىدۇر.

m

ماتېماتىكا

Math

ماتېماتىكا بولسا مىقدارلار، سانلار ۋە بوشلۇق ئارىسىدىكى مۇناسىۋەتلەرنى تەتقىق قىلىدىغان ئىلىم بولۇپ، ناھايىتى مۇنتىزىم مەنتىقىلىق باغلىنىش ئاساسىدا پىكىر يۈرگۈزىدۇ. ماتېماتىكا بولسا تەبىئەت دۇنياسىنى تەتقىق قىلىدىغان فىزىكا قاتارلىق پەنلەرنىڭ تىلىدۇر.

بىز كىم؟

كىچىك ئىشلار ئارقىلىق چوڭ ئۆزگىرىشنى روياپقا چىقىرىش

گۇرۇپپىمىز 2013-يىلى ئىككى قىزغىن ياشنىڭ ئۆز قىزىقىشى بويىچە بىر يەرگە كېلىپ تەبئىي پەن بىلىملىرىنى ئاساس قىلىپ قۇرغان ئىلىم-پەن تور بېكىتىدىن باشلانغان بولۇپ، ئارىلىقتا بىر قانچە يىللىق توختاشتىن كېيىن 2018-يىلى 12-ئايدا قايتا تەرتىپلىنىپ، 2019-يىلى ئۈچ قېتىملىق كۇرستا 70 كە يېقىن ئوقۇغۇچىغا روبوت دەرسلىرىنى ئاساس قىلغان ھالدا تۇنجى قېتىملىق سىرتقا كېڭىيىشنى مۇۋەپپەقىيەتلىك تاماملىدۇق، 2019-يىلىنىڭ ئاخىرىدىن باشلاپ گۇرۇپپىمىزنىڭ نامى UyghurSTEM دېگەن نام ئاستىدا مەركەزلەشكەن بولۇپ، STEM مائارىپى ئەندىزىسى بويىچە كومپيۇتېر، روبوت، پروگرامما تىللىرى، ماتېماتىكا، فىزىكا ۋە باشقا تەبئىي پەنلەردە ئوقۇغۇچىلارنى تەربىيەلەيدۇ.
گۇرۇپپىمىز قاراتمىلىق ھالدا ھەرقايسى ئانا تىل مەكتەپلىرى، مەدەنىيەت مەركەزلىرى، دىنىي مەكتەپلەردە UyghurSTEM نامى بىلەن سەييارە ھالدا روبوت دەرسلىرى بېرىدۇ.
كېلىڭ، كىچىككىنە ئۆزگىرىش ئارقىلىق زەنجىرسىمان بىر ئۆزگىرىشنى ۋۇجۇدقا چىقىرايلى.

ئىلگىرىكى پائالىيەتلىرىمىز

2019-يىلى ئۈچ قېتىملىق كۇرسىمىزدا 70 كە يېقىن ئوقۇغۇچى تەربىيەلىنىپ يېتىشىپ چىقتى

2020 – يىللىق قىشلىك تەتىللىك روبوت سىنىپلىرىغا تىزىملىتىش ئۈچۈن بۇ ئۇلىنىشى بېسىڭ.

كېلىڭ، سىز مەن ھەممىمىز بىر بولۇپ «بىز» بولايلى

2020-يىلى 2-فېۋرال چوڭ پائالىيىتىمىزگە كېلىڭ