ياۋروپا ئىتتىپاقى كود ھەپتىسى پائالىيىتىگە قاتنىشىڭ
ياۋروپا ئىتتىپاقى كود ھەپتىسى – كود يېزىش ۋە رەقەملىك ساۋاتلارنى قىزىقارلىق ۋە جەلپ قىلارلىق ھالەتتە ھەممەيلەنگە يەتكۈزۈشنى نىشان قىلغان ئومۇمىي پائالىيەت بولۇپ، UyghurSTEM سۈپىتىدە بىزمۇ بۇنىڭغا ئاۋاز قوشتۇق. پائالىيەت ئىككى سائەت داۋاملىشىدۇ. 7-12 ياش ئەتراپىدىكى بالىلار قاتناشسا بولىدۇ، بالىلاردىن ئىلگىرى كود يېزىپ باققان بولۇشى تەلەپ قىلىنمايدۇ. دەرس خاراكتېرلىك بۇ پائالىيىتىمىز Google Meet ئارقىلىق بولىدۇ، كىرىش ئۇلانمىسىنى پائالىيەت باشلىنىشتىن بۇرۇن تاپشۇرۇۋالالايسىز.
شۇنىڭغا چوڭقۇر ئىشىنىمىزكى، رەقەملىك دەۋردىكى ھەر بىر كىشى كود يېزىشنى چۈشىنىشى ۋە شۇنداقلا ھېسابلاش تەپەككۇرىنىڭ مۇھىم پارچىلىرىدىن بولغان مەسىلە ھەل قىلىش، ھەمكارلىق ۋە ئانالىتىك ئويلاش ئىقتىدارىغا ئوخشاش ھالقىلىق قابىلىيەتلىرىنى تەرەققىي قىلدۇرۇشى زۆرۈر.
