2024-يىللىق قىشلىق تەتىللىك Bootcamp پىروگراممىسى

جاۋاب: Bootcamp ئەسلىدە ئەسكەرلەرنىڭ ئىنتايىن قىسقا ۋاقىت ئىچىدە كېرەكلىك ماھارەتلەر بويىچە قىيىن ۋە قاتتىق شارائىتلاردا مەشقلەندۈرۈش ئارقىلىق ئۇلارنىڭ كەسپىي قابىليىتىنى تېز سۈرئەتتە يۇقىرى كۆتۈرۈشنى مەقسەت قىلىدىغان تەربىيەلەشلەرگە بېرىلىدىغان ئىسىم بولۇپ، ھازىر بۇ خىل تەربىيەلەش ئۇسۇلىنىڭ تەدبىقلىنىش دائىرىسى نۇرغۇن ساھەلەرگە كېڭەيدى، جۈملىدىن بۇ تەربىيەلەش پىروگراممىمىزمۇ Bootcamp شەكىلدە بولىدۇ

جاۋاب: دەرس بۇرۇن كومپيۇتېر پروگرامما تۈزۈش ياكى روبوت دەرسلىرىگە قاتنىشىپ باقمىغان بالىلارغا ماس كېلىدۇ، دەرستە پىروگرامما تۈزۈشتىن سىرت، ئۈچ ئۆلچەملىك لايىھىلەش ھەققىدە دەسلەپكى بىلىملەر سۆزلىنىدۇ (بۇنىڭغا ئ‍وخشاش دەرسلەرگە قاتنىشىپ باققان بالىلار ئۆگەنگەنلىرىنى تېخىمۇ پۇختىلاش ئۈچۈن قاتناشسىمۇ بولىدۇ).

سۇنۇم (لېكسىيە) تەييارلاش ماھارەتلىرى سۆزلىنىپ ئوقۇغۇچىلار مەشقلەندۈرۈلىدۇ.

سۈنئىي ئەقىل، ماشىنا ئۆگىنىشى قاتارلىق ئۇقۇملار ھەققىدە مەلۇمات بېرىلىپ، ھازىر مودا بولۇۋاتقان سۈنئىي ئەقىل قوراللىرىنى ئىشلىتىش ئ‍ۇسۇللىرى كۆرسىتىلىدۇ.

ياش چەكلىمىسى: 8 - 14 ياش

جاۋاب: دەرستىكى بارلىق مەشغۇلاتلاردا كومپيۇتېر لازىم بولىدىغان بولۇپ، دەرسنىڭ توردىكى قىسىمى ۋە يۈزتۇرانە قىسىمىغا چوقۇم كومپيۇتېر بىلەن قاتنىشىشىڭىز كېرەك بولىدۇ.
ئۇنىڭدىن باشقا يەنە روبوتلىرىڭىزنى ياساش ئۈچۈن تۆۋەندىكى رەسىمدىكىگە ئوخشاپ كېتىدىغان Arduino Set/Arduino Kit دەپ ئاتىلىدىغان بىر يۈرۈش ماتېرىياللار لازىم بولىدۇ (رەسىمدە ئۆرنەك ئۈچۈنلا كۆرسىتىلدى).

جاۋاب: بۇ قېتىملىق تەربىيەلەش تۈركىيەدىكى بالىلارنىڭ قىشلىق تەتىلىنىڭ قىسقا بولۇشى سەۋەبىدىن قىسقا مۇددەتلىك ۋە ئىخچاملاشتۇرۇلغان شەكىلدە ئورۇنلاشتۇرۇلغان بولۇپ، دەرس ۋاقتىمىزنىڭ قىسقىلىقى ۋە ماتېرىياللارنىڭ باھاسىنىڭ ئۆسۈپ كەتكەنلىكىنى نەزەردە تۇتۇپ، ئوقۇغۇچىلارغا Arduino ۋە باشقا كېرەكلىك ئېلېكترونلۇق زاپچاسلارنى سېتىلىۋېلىشنى شەرت قىلمىدۇق. ئەگەر سىز ئىلگىرىكى دەرسلەرگە قاتناشقان ۋە سىزدە Arduino زاپچاسلىرى بار بولسا ئايرىم سېتىۋېلىشىڭىزنىڭ ھاجىتى يوق بولۇپ، كومپيۇتېردىكى تەقلىدلىگۈچتە ۋە شۇنداقلا سىنىپتىكى باشقا بالىلار بىلەن ئورتاق ئىشلەتسىڭىزمۇ بولىدۇ، سېتىۋېلىشنى خالايدىغانلار ئۈچۈن كېرەكلىك ماتېرىيالنىڭ باھاسى ئايرىم ئۇقتۇرۇلىدۇ، سېتىۋېلىشنى خالايدىغان ئوقۇغۇچىلار ئۆزلىرى يېنىدىن پۇل چىقىرىپ سېتىۋالسا بولىدۇ.