چەتئەللەردىكى ئۇيغۇر مائارىپى ھەققىدە راي سىناش
مەۋجۇدلۇقىمىزنىڭ تۈركۈم ھالىتىدە تەھدىتكە ئۇچراۋاتقانلىقى ھەممىمىزگە ئايان، مائارىپىمىزمۇ بۇ كىرزىسنىڭ ئەڭ بىۋاستە تەسىرىگە ئۇچرىغان ئەجەللىك ساھەلەرنىڭ بىرى. كىرزىسنى كېيىنكىلەرگە مىراس قالدۇرماسلىق ئەۋلادلارنىڭ يېتىلىشىگە كۆڭۈل بۆلۈشنى شەرت قىلىدۇ، چەتئەللەردە چوڭ بولۇۋاتقان ياش-ئۆسمۈرلىرىمىزنىڭ سانىمۇ ئاز ئەمەس. ئۇتۇق قازانغان، مۇنەۋۋەر ئۇنىۋېرستېتلارغا قەدەم قويغان ياشلار پارلاق كەلگۈسىمىزنىڭ يىمىرىلمەس ئۇلتېشى بولۇپ قېلىشى، زەنجىرسىمان داۋاملىشىدىغان قار توپى تەسىرىنى يارىتىشى مۇمكىن. ئاتا-ئانىلارنىڭ ۋە بالىلارنىڭ بۇ توغرىسىدىكى ئويلىرى، ئارزۇلىرى ھەققىدە كىچىك بىر راي سىناپ بېقىشنى ئويلاشتۇق، بۇ راي سىناش جەدىۋىلىدە ھېچقانداق شەخسىي ئۇچۇرىڭىز تەلەپ قىلىنمايدۇ. بىر قانچە مىنۇت ۋاقتىڭىزنى چىقىرىپ تولدۇرۇشىڭىزنى، تارقىتىپ قويۇشىڭىزنى سورايمىز.
ئەگەر بۇ جەدىۋەلنى ئاتا-ئانىلار تولدۇرۇۋاتقان بولسا پەرزەنتىنى كۆزدە تۇتۇپ جاۋاب بەرسە بولىدۇ.
